Lakenskrekk, sølehopping og jojotroll!
Bluesveteranar med bluesdialekt.
Oppstemt bluesrundtur med Good Time Charlie. Konserten passar for vaksne, born, folk med sunnfjordsdialekt, og med humoristisk sans der publikum blir tatt med på ei inkluderande musikalsk reise.
No er bandet snart klare med ny plate, «Midt i eit eventyr», og på Bajazz blir det storslagen sleppefest! Her får du høyre melodiar om lakenskrekk, sølehopping, jojotroll, mirakelkur og trenaren som har tørna. Den ferske plata passar for heile barneflokken – frå 0-100 år. Musikken er energisk rhythm and blues i kjent GTC stil. Tekstane er på vestlandsdialekt og songane er lette å synge med på. Her fins både positivt innhald, mykje humor, dans og fri fantasi. Kva er det som skjer med oss når vi høyrer musikk og får lyst til å le, danse, hoppe og synge med?
Bandet har fylt 30 år og har mellom anna latt seg inspirera til å gje ut «Draumeblues og Blåsus» og «Jubel og Skrubbsår» som rythm’n’blues-plater retta mot born.
ARLE HJELMELAND sang, munnspel STEINAR KARLSEN gitar, sang EINAR OLSSON trommer, sang MORTEN SKAGE bass, sang
Konserten varer i ca 40 min
Born under 2 år: gratis inngong
