Bygdekinoen: Vildmarkens Søn

Om Jimmy Øvredal

V I L D M A R K E N S   S Ø N

Norsk dokumentar. 

Sidan han var liten har bonden, læraren, poeten og musikaren Jimmy Øvredal levd i kløfta mellom røyndom og folketru. I sitt eige rike i Øvredalen lever han tett på naturen, fuglane og skapningane frå norsk mytologi – slik mange nordmenn gjorde i tidlegare tider.

Jimmy brukar både dei kroppslege og åndelege sansane, og tolkar naturen sine teikn kvar einaste dag. Er Jimmy berre ein eksentrikar, eller har han forstått noko vesentleg om korleis menneske og natur heng saman?

Vildmarkens søn handlar om korleis nærleiken til naturen er livsviktig for eit menneske, og kvifor vi må forstå naturen for å ta vare på den.