Musica Nord held fram med kammerkonsertar i Griegsamlingen også denne sommaren. Kvar søndag kl. 14.00 kan du oppleve musikalske perler i flotte omgjevnadar.
Sopranen Hilde Hasselberg og pianisten Kato Nogva Flem har begge bakgrunnen sin frå Griegakademiet i Bergen. Med nokon av Grieg sine lysaste og vakraste songar på programmet, har dei valgt å måla kveldens konsert i vårens og sommerens fargar. "Jeg har i disse deilige forårsdager våknet av en lang, lang dvale," sa Grieg, og let seg inspirera til å skapa eit knippe uforgløymelege tonesetjingar til dikt av mellom anna Bjørnson og John Paulsen. I konsertens andre halvdel, vender me blikket ut i verda og nærare vår eiga tid, med klavermusikk og amerikansk-inspirerte songar av Nikolai Medtner, Hanns Eisler og Libby Larsen.
Hilde Hasselberg - sopran
Kato Nogva Flem - flygel
Oseana og Musica Nord vidarefører samarbeidet frå førre sommar, og tilbyr også i år ei flott klassisk konsertrekkje som du kan høyre kvar søndag kl. 14.00 i Griegsamlinga. Det er mogleg å kjøpe billett berre til konserten til kr. 220,- eller du kan kjøpe ein billett som inkluderer konserten og middag i restauranten, til kr. 525,- Konsertbilletten kan du kjøpe både i resepsjonen og via nettsida www.ticketco.no, medan den kombinerte konsert -og middagsbilletten må kjøpast eller bestillast hos restauranten ( 53 69 51 40) eller i resepsjonen (917 50 231).
