Sjur Hjeltnes - eit musikalsk humorshow

Foto: Christin Eide

Sjur er pianist og humorist frå Voss. Frå dei ytterste skjær til kongens slott har Sjur kome med sine underfundige betraktningar frå pianokrakken. Som kapellmester har han spelt på scener over heile landet, og jobba saman med komikarar som Anne Marit Jacobsen, Christine Hope, Ina Breivik med fleire. I perioden 2003-2010 samarbeida han med Nordic Tenors, som han også vann komiprisen med i 2006.

Sjur har eit trufast publikum over heile landet som no får oppfylt ein draum: Sjur solo. Aleine med pianoet har Sjur laga eit show der han gjev livet sine store spørsmål ein musikalsk og humoristisk vri.