Bilete lånt frå Filmweb.no.
Endeleg får vi eit nytt gjensyn med Smurfene!
"Smurfene 2" er ein underhaldande animert actionkomedie for heile familien. Her skapar den onde trollmannen Gargamel eit par småslemme Smurfeliknande skapningar som han kallar for Rampene. Gargamel håpar at desse Rampene vil hjelpe han å utnytte den mektige og magiske Smurfeessensen.
Det går ikkje lang tid før han oppdagar at berre ein ekte Smurf kan gje han det han ynskjer, og berre ein hemmeleg trolldom som Smurfeline kjenner kan forvandle Rampene til ekte Smurfar. Difor kidnappar Gargamel Smurfeline og tek henne med til Paris, der han som verdas beste trollmann har millionar av beundrarar. Nå må Gammelsmurf, Klønesmurf, Sinnasmurf og Jålesmurf vende tilbake til menneskeverda. Dei må gjenforenast med sine menneskevenner Patrick og Grace Winslow, og redde Smurfeline før det er for seint!
Filmen visast i 2D, og er tilleten for alle.
