Frå den Oscar-vinnannde filmskaparen Peter Jackson kjem "Hobbiten: En uventet reise", den fyrste filmen i ein trilogi som bygger på det stadig like populære meisterverket "Hobbiten" av J.R.R. Tolkien. Dei tre filmane er ein beretning om kva som skjer i Midgard 60 år før "Ringenes Herre", som Jackson og filmteamet hans brakte til kinolerretet i den sensasjonelle trilogien som kulminerte med Oscar-vinnaren "Ringenes herre: Atter en konge".
I denne eventyrlege historia føl vi ferda til hovudpersonen Bilbo Lommelun, som kastast ut i ein episk kamp for å vinne tilbake Erebor, det tapte riket til dvergane, frå den fryktelege dragen Smaug. Etter uventa å ha blitt kontakta av trollmannen Gandalv Grå, sluttar Bilbo seg til eit reisefølgje på 13 dvergar, leda av den legendariske krigaren Thorin Eikenskjold. Ferda deira skal føre dei gjennom vilt og forrædersk , som vrimlar av tusser og orkar, dødelege vargar og trollmenn.
Sjølv om målet for reisa ligg i aust, ved det aude Ensomfjellet, må dei fyrst kome seg gjennom tussane sine tunnelar, der Bilbo møter skapningen som skal endre livet hans for alltid: Gollum.
Her, aleine med Gollum, ved bredda av ein underjordisk sjø, hentar den beskjedne Bilbo Lommelun fram oppfinnsomheit og tapperheit som til og med forbløffar han sjølv, og i tillegg får han tak i Gollums "kostelige" ring, som har svært uventa og nyttige eigenskapar. Ein enkel gullring som er knytta til heile Midgard si skjebne på måtar Bilbo knapt kan fatte.
Filmen har 11 års aldersgrense.
