Oseana kunne hausten 2013 stolt invitere til ein ny foredragsserie i Griegsamlingen, med ulike omvisarar og tema som var knytte til samlinga.
- Dette er veldig kjekt å få til. Griegsamlingen er jo eit smykke her på huset, og rommar kanskje meir enn kva folk er klar over. No har alle sjansen både til å bli betre kjend med samlinga og få høyre gode foredragshaldarar snakke om kunsten som heng der, sa direktør Ole Tobias Lindeberg ved oppstarten, noko han framleis stiller seg heilhjarta bak.
- Vi hadde eit mål om å gjere dette til eit fast tilbod, og etter responsen å døme på haust- foredraga ser det ut til at dette er noko folk vil ha! Vi legg difor opp til tre søndagar også denne våren og håpar på stor oppslutning, seier Lindeberg.
Fyrst ute er prof. emeritus Gunnar Danbolt, som startar ballet søndag 2. mars kl. 13.00. Grunna at dette er ei kombinert omvising og foredrag, er det ikkje plass til meir enn 30 personar, så her bør du ikkje vente for lenge med å kjøpe billettar.
Dei seinare datoane i foredragsrekkja, samt foredragshaldarane, vil bli offentleggjorde seinare.