På tampen av semesteret inviterar Voss Jazzskule Marius til Voss for å ha eit prosjekt med skulen sitt flaggskip, bandet Peace, Love and Swing. Dei er ein trio beståande av piano, slagverk og kontrabass, traktert av tre unge talent i alderen 17 til 20 år. Trass i sin unge alder er denne trioen godt på veg til å vere profesjonelle musikarar. Dei har allereie spelt med mange store jazznamn, som Arild Andersen, Mathias Eick, Andy Sheppard og mange fleire. Dei var også vinnaren av UngJazz Prisen på Vossajazz 2012. Dei har spelt på dei fleste jazzfestivalar i Noreg, og i vår spelte dei også i Queen Elizabeth Hall i London.
Voss Jazzskule prioriterar veldig høgt at elevane deira får anledning å spele med profesjonelle musikarar, og er svært glade for at Marius Neset har anledning til å jobbe med dei.
Marius treng vel neppe nokon nærare introduksjon. Osingen har, trass sin unge alder, skapt seg eit respektert namn som jazzmusikar i verdsklasse, og har fleire kritikarroste albumutgjevingar bak seg. No kjem han altså tilbake til Oseana, saman med dei unge talenta i frå Voss, for å avslutte haustsesongen på Oseana og spele publikum over i julehøgtida.
Konserten blir halden i foajéen med avgrensa antal billettar, så her bør du ikkje vente for lenge med å sikre deg billett!
