No kjem filmversjonen av den populære og storslegne sceneversjonen, som er sett av meir enn 60 millionar publikummarar verda over. Denne storslegne filmproduksjonen er regissert av Oscar- vinnaren Tom Hopper, som også sto bak mellom anna Kongens tale. Det er eit stjernespekka skodespelargalleri vi får oppleve, på rollelista finn vi mellom anna Hugh Jackman, Russell Crowe, Helena Bonham Carter, Anne Hathaway og Eddie Redmayne, samt ei lang rekkje andre store stjerner.
Les Misérables er basert på Victor Hugo sin klassiske roman, og handlinga er lagt til 1800-talets Frankrike. Den er ein oppslukande forteljing om draumar som brast og kjærleik som aldri vart gjengjelda, lidenskap, offer og frelse, som eit tidlaust testamente til menneskesjela si vilje til overleving. Jackman spelar rolla som eksfangen Jean Valjean, som blir jakta på i fleire tiår av den nådelause politimannen Javert, spelt av Russel Crowe. Når Valjean tek på seg ansvaret med å passe på den unge dottera til fabrikkarbeidaren Fatine, spelt av Anne Hathaway, blir liva deira endra for alltid.
Her får du ein av verdas mest spelte musikalar overført i heile si prakt til kinolerretet, med alle dei kjende og udødelege songane, inkludert "I Dreamed a Dream", "Bring Him Home", "One Day More" og "On my Own".
Filmen har allereie hausta fleire prisar, den fekk nyleg Golden Globe for Beste film-musikal, Beste mannlege hovudrolle og Beste kvinnelege birolle, og er spådd til å bli ein av årets store Oscar- vinnarar.
Filmen har 11 års aldersgrense.
