Tysdag 3. mars gjesta Riksteatret Oseana med framsyninga Juryen, som var ei danseframsyning for born.
Framsyninga inneheldt ein video, der borna i videoen instruerte dansarane på scena i kva dei skulle gjere. Beklageleg nok så fekk Riksteatret teknikske vanskar med videoframsyninga, så dei siste ti minutta av framsyninga kunne ikkje visast.
- Det var veldig synd at dette skjedde, særskilt for publikum i salen som hadde gleda seg til denne framsyninga, seier arrrangementssjef Berit Steen.
- Dei som hadde kjøpt billettar til framsyninga, får tilbod om å byte billettane til neste framsyning med Riksteatret, som er Kjell - Aksel rocker 5. mai. Dette er ein rockemusikal for same aldersgruppe som Juryen var tenkt til. Dersom dette ikkje passar for alle, er det råd å få refundert billetten, forklarar Steen, som understrekar at dette gjeld dei som har kjøpt billettar.
- Nokre publikummarar hadde gratisbillettar til Juryen, desse kan ikkje bytast i ei anna framsyning, avsluttar Steen.
Hadde du billett til Juryen og ynskjer å byte den? Ta kontakt med Oseana sin resepsjon for meir info! Ring 917 50 231 måndag til fredag mellom 11.00 - 16.00.