Anne Grete Preus kjem til Oseana torsdag 19. mars med konserten som har fått namnet "Et sted å feste blikket". Anne Grete har ei fartstid i norsk musikkliv som få kan måle seg med, og mange har eit nært og kjært forhold til musikken hennar.
No er det kjent at Anne Grete også tek med seg ein av noregs beste gitaristar til Oseana denne kvelden, Bjørn Charles Dreyer skal stå på scena saman med henne, noko som kjem til å løfte konserten til eit endå høgare nivå, trur arrangementssjef Berit Steen.
- Sjølv om Anne Grete står meir enn fjellstøtt på eigne bein, så er det liten tvil om at med Dreyer på scena vil dette gje publikum ei endå større konsertoppleving denne kvelden, smiler Steen, som er meget nøgd med å kunne gje publikum to til prisen av ein denne kvelden!
Besøk Bjørn Charles sine heimesider her, eller kjøp konsertbillett her.