Det går mot ein spennande kunstvår på Oseana! Griegsamlingen skal no gjennom store omveltningar, for fyrste gong sidan Oseana vart opna skal ustillingsrommet fyllast med anna kunst enn samlinga til Per Grieg sr!
Griegsamlingen får no ein pause fram til vinteren 2016. I mellomtida inviterar Oseanakurator Marianne Gathe deg til mange spennande utstillingar på Oseana, og aller fyrst står ei gjesteutstilling frå Bergen Kulturskule og årets Friskunst- utstilling for døra.
- Allereie fredag 17. april startar vi omriggingsprosessen, men Griegsamlingen vil vere open fram til måndag 20. april. Då stengjer vi i fem dagar, før vi 25. april opnar utstillinga Åpne Sinn, som er eit samarbeidsprosjekt mellom Bergen kulturskole, Os kulturskule og Oseana, forklarar Gathe, som fortel vidare om den nye utstillinga.
- Åpne sinn er ei elevutstilling der eit mangfald av kunstretningar skal visast, alt frå skulpturar og installasjonar til animasjon og videofilm, vidare til teikningar og maleri. 240 elevar frå Bergen kulturskule og 21 elevar frå Os kulturskule i alderen 7 til 19 år stiller ut kunst, fortel Gathe.
Same dag, 25. april, opnar også årets Friskunst-utstilling.
- Skuleprosjektet vårt, Friskunst, involverar både kunst og musikk. For 4. klasse dreiar det seg om visuell kunst. Alle 4. klassingar i Os har vore på besøk i Griegsamlingen og laga sitt eige kunstverk inspirert av dei maleria som heng der. Desse kunstverka lagar vi utstilling av i 1. etasjen, slik vi gjorde i fjor, seier Gathe.
Etter at elevutstillingane er over 10. mai, held Griegsamlingen stengt i dryge to veker.
- Då startar vi klargjeringa til årets sommarutstilling, som er Pushwagner. Vi opnar jo landets største Pushwagnerutstilling 29. mai! Det gledar vi oss veldig til, avsluttar Gathe.
Det temporære utstillingslokalet Hvelvet ope som vanleg, både gjennom utstillingane og gjennom riggeperiodane. No visast installasjonen "The poetics of miss understanding" av Ana Rita Antonio, som står fram til 17. mai. Dette er den siste temporære utstillinga for våren.