Ole Paus og Jonas Fjeld er tilbake som To rustne herrer og feirar sitt 20-årsjubileum med nytt show!
Foto: Andre Løyning
Ole Paus og Jonas Fjell er to karar som har stått stødig på kvar sine bein gjennom ein mannsalder. Men dei har også stått stødig saman, gjennom samarbeidet To rustne herrer. I år feirar dei 20 års jubileum og legg ut på jubileumsturne over det ganske land!
Mykje har skjedd sidan duoen fyrst fann saman i 1996. Mellom anna har vi fått mobiltelefonar, internett og strømming av musikk. Men det hindrar ikkje dei to musikalske storheitene frå å tørke støv av gamle songar og gitarar. I tillegg er ikkje duoen verre enn at dei også skriv nye songar saman. Både saman og kvar for seg har dei sunge seg inn i den norske folkesjela, og er kanskje to av våre aller kjæraste artistar. Begge to har også fått befesta posisjonen sin som landets største låtskrivarar gjennom dei vakre nytolkingane som har blitt gjort i TV2- programmet Hver gang vi møtes.
Begge karane har også vore på Oseana tidlegare, kvar for seg, og levert strålande konsertar til utselde hus! No har du sjansen til å la dei rustne karane få deg til å le, gråte og klaske hendene saman i rein begeistring - hvis helsa holder...
Ole Paus (68) har medverka på heile 42 plateutgjevingar sidan 1970, og annonserte i 2013 at han legg opp som plateartist. Han vart i 2015 innlemmet i Rockheims Hall Of Fame.
Jonas Fjeld (63) heiter eigentleg Terje Jensen, og har sidan 1972 lagt bak seg ein betydningsfull diskografi både med Jonas Fjeld Band og som soloartist.
Som To rustne herrer har duoen gjeve ut albuma «To rustne herrer» (1996), «Damebesøk» (1998) og «Tolv rustne strenger« (2003).
Clik here to view.
Clik here to view.
Clik here to view.
