Ei teaterframsyning om livet mellom himmel og jord.
Alle som bor i Noreg har ei meining om Snåsamannen. Vi veit ikkje heilt kva vi skal tru. Kan han helbrede når nokon ringjer og ber om hjelp? Ser han ting vi andre ikkje fattar? For nokon er det berre det vi ser og kjenner her og no som er livet. For andre er det meir mellom himmel og jord.
Snåsamannens sang er eit intenst drama, omspunne av vakre songar, som stiller dei heilt store spørsmåla vi menneske står ovanfor. Det er kjenslesterkt, utfordrande og rørande, og det går føre seg i dag, i vårt eige land.
Ei ung jente er uhelbredeleg sjuk. For å samle inn pengar til sjukdomen ho lid av, har ho og hennar sterkt engasjerte venninnne lagt ut på ein fottur gjennom Noreg. På ein etappe har dei fått med seg den norske helseministeren og livvakta hans. Etter kvart som dei havnar lenger og lenger vekk frå folk og det samstundes trekkjer opp til uvêr, står skarpt motstridande livsoppfatningar på spel. Må den unge jenta akseptere si skjebne, eller skal ho prøve andre metodar for å bli frisk? Bør dei gå innom Snåsamannen?
Treng vi miraklel for å forstå liva våre?
Snåsamannens sang har urpremiere på Teater Ibsen 24. august 2016 og nypremiere med Nord- Trøndelag Teater på Snåsa 8. oktober 2016. Den legg ut på turné med Riksteatret våren 2017, med turnépremiere på Hamar 18. januar.
Framsyninga varer i om lag 2 timar.
På scena:
Sverre Berntzen, Ragne Grande, Duc Mai-The, Mari Dahl Sæther, Tore B. Granås.
Team:
Av Klas Abrahamsson
Oversatt av Ragnar Hovland
Regissør og komponist: Øyvind Osmo Eriksen
Scenograf: Bård Lie Thorbjørnsen
Kostymedesigner: Gjøril Bjercke Sæther
Lysdesigner: Erik Spets Sandvik
Produsert av Teater Ibsen, Nord-Trøndelag Teater og Riksteatret.
