Velkomen til gratiskonsert i foajéen!

Os Musikkforening vil saman med Søre Neset Musikklag og Os skulekorps avrunda ein flott vårsesong med å invitera deg til foajekonsert med lett sumarmusikk. Det vert alt frå klassiske stykker, til meir moderne populærmusikk og ulike solistinnslag som hjelper deg å komme i skikkeleg sumarstemning. 

Os Musikkforening – dirigent: Per Lorentz Milotzki

Søre Neset Musikklag – dirigent: Aina Herheim

Os Skulekorps – dirigent: Marius Fevang Thorstensen

Gratis inngong. 

Riksteatret med høgaktuelt Ibsen- drama. 

Foto: Fredrik Arff

Høgt spel om makt og kjærleik - Samfunnets støtter er Ibsen på sitt mest underhaldande! Det handlar om kjærleikssvik, løgn og løyndomar, og ikkje minst om ære, karriere og slue forretningar. Spennande som ein kriminalhistorie, heftig som ein kjærleiksroman og like dagsaktuell som kveldens tv- nyhende! 

Alle beundrar den eksemplariske familiefaren Konsul Bernick, som skapar arbeidsplassar og tek ansvar for vekst i byen. Lite veit dei at den visjonære samfunnstoppen har bygd karriera og ekteskapet sitt på ei løgn. Når sanninga om fortida tvingar seg fram må han finne ein måte å redde omdømmet sitt på. Men er han ein angrande syndag, eller er det nok ein gong eit spel for galleriet?

"Samfunnsstøtte" har blitt eit omgrep, særleg i diskusjonar om kven som er samfunnet sine eigentlege grunnpilarar. Den danske regissøren Peter Langdal er kjend for sine engasjerande oppsetningar av klassikarar. Saman med eit lag på elleve skodespelar kjende frå teater, film og fjernsyn, vil han gje Riksteatret sitt publikum ein Ibsen-klassikar med ei klar adresse til vår eiga tid.

- Dette er Ibsen for alle, seier Riksteatret sin nye teatersjef, Tom Remlov.   - Og med ei oppsetning signert ein av Skandinavia sine største teaterkunstnarar vil dette stykket vise kva eg meiner Riksteatret skal vere, nemleg "det beste for dei fleste". 

Stykket varer i 2 timar og 20 min inkludert pause. 

På scena: Henrik Mestad (Konsul Bernick), Iren Reppen, Anne Ryg, Per Christian Ellefsen, John S. Kristensen, Ida C. Klem, Julie Støp Husby, Nils Golberg Mulvik, Victor Berg, Daniel Karlsson og Martin Lotherington
Av Henrik Ibsen
Bearbeidet av Peter Langdal
Regissør: Peter Langdal
Scenograf: Nicolaj Spangaa
Kostymedesigner: Karin Betz
Co-designer kostyme: Henrik Børgesen
Lysdesigner: Marianne Thallaug Wedset
Lyddesigner: Nils WingereiDramaturg: Tine Thomassen
Regiassistent: Pernille Skaansar
Produsent: Rebecca Mathisen

Ein Riksteatret-produksjon i samarbeid med Nationaltheatret.  

Helge Jordal med si fantastiske og bejubla einmannsforestilling!

Kveld etter kveld har Helge Jordal spelt Førstereis for utselde hus på Den Nationale Scene i Bergen, og kritikarane har vore over seg av begeistring. No reiser han kysten rundt med teaterhistoria om guteheimsbarnet Martin som rømmer til sjøs. Vi blir med han på vakttørner på brua, raggadis i Antwerpen, julefeiring ombord, heilt aleine på det opne havet og møtet med den vakre Christina frå Rio de Janeiro som gjer at han aldri blir den same igjen.

Førstereis tek utgangspunkt i den store sjøfartstida i Noreg etter andre verdskrig. Ei epoke då redninga for mange unge menn låg i moglegheita til å dra til sjøs.

-Helge Jordal og teamet bak Førstereis har trudde ein nerve, seier Ellen Horn. -Nordmenn si interesse for norsk sjømannshistorie er enorm. Vi kjenner alle nokon som har vore til sjøs, og mange ynskjer no å lære meir om kva betydning sjøfolket har hatt for landet vårt.

Pressa seier:  

«Eventyrlig seilas med Jordal»(VG, terningkast 5)
«En strålende teateropplevelse» Bergens Tidende
«Får deg til å tro at du er et helt annet sted.» Dagbladet
«En scenisk kraftprøve som imponerer» Bergensavisen (terningkast 5)

OPPLEV MEIR!

Vandreutstillinga Førstereis vil følge turneen, og kan opplevast i foajeen før forestilling. Hvalfangstmuseet i Vestfold har motteke nær hundre beretningar frå tidlegare sjøfolk, der dei sjølv fortel om korleis dei opplevde sin fyrste tur til sjøs. Utstillinga har hovudfokus på arbeidsoppgåvene dei unge fyrstereisgutane vart sette til å gjere, ofte bysse- eller messegut med lange og travle arbeidsdagar. Overgongen frå livet heime hos mor og far vart nok brå for noko, medan andre var godt vande med å stå tidleg opp og vere i jobb.

Med Helge Jordal
Av Morten Lorentzen
Regissør: Lasse Kolsrud
Scenograf: Carle Lange
Lysdesigner: Morten Reinan
Lyddesigner: Espen Beranek Holm

Produsert av Den Nationale Scene. 

Denne hausten kjem Riksteatret med Carlo Collodi sitt klassiske barneeventyr, Pinocchio! Gjenfortalt som ei humoristisk, vakker, tankevekkjande, spennande og litt skummel blanding av godt, gamaldags barneteater med mykje musikk og moro for heile familien! 

Det var ein gong ein gammal snikkar som heitte Gepetto. Han var ganske fattig og ganske einsam. No tenkjer de kanskje: Stakkars Gepetto! Men han var ikkje ulukkeleg! Han skulle berre ynskje at han hadde nokon å snakke med. Så han laga ei dukke av tre og kalla den for Pinocchio. Og plutseleg ei natt vakna dukka til live! dersom du lurer på om det er nødvendig å gå på skulen, om det er greit å ete godteri heile dagen eller vere oppe så lenge ein vil, om pengar gror dersom ein grev dei ned, og andre nyttige ting i den duren, så er dette framsyninga for deg! Eller dersom du berre trur på fear, om du likar å snakke med grashopper og av og til kjenner deg som ein treskalle. Kanskje foreldra dine treng å lære seg litt oppdraging? Då er det berre å lure dei med deg inn i Oseanasalen! Ser du stjerna i det blå? 

I rolla som Pinocchio sin gode hjelpar, Grashoppa, møter du Ivar Nergaard, sist sett på Riksteatret som sjølvaste Doktor Proktor! Guten med den lange nasa spelast av Hanne Gjerstad Henrichsen, som verkeleg er eit namn å merke seg! Manus og regi er ved Teodor Jansjon. Han jobbar som regissør, tekstforfattar og skodespelar og har vore ansvarleg for ei rekkje humorshow og musikalar, mellom anna Peter Pan på Det Norske Teatret. 

Stykket varer i 2 timar inkludert pause. 

På scena: Hanne Gjerstad Henrichsen, Ingolf Karinen, Elisabeth Moberg, Håkon Moe, Ivar Nergaard, Gard Pedersen, Frank Ole Sætrang og Kristian Winther
Av Carlo Collodi
Dramatisert av Teodor Janson
Regissør: Teodor Janson
Scenograf og kostymedesigner: Kathrine Tolo
Lysdesigner: Øyvind Wangensteen
Lyddesigner og musikalsk ansvarlig: Johannes Winther Farstad
Dramaturg: Tine Thomassen
Produsent: Wenche Viktorsdatter Paulsen

Produsert av Riksteatret.

Oseana viser Pushwagner i perioden 29. mai - 16. august. 

Hariton Pushwagner fyller 75 år i år, og i dette jubileumsåret har Oseana gleda av å kunne vise fram Noregs største Pushwagner- utstilling i 2015! Pushwagner, eller Terje Brofors, er ein av landets mest markante og særeigne kunstnarar, og er Noregs største eksponent av pop art ut i verda. Han er også rekna for å vere blant dei viktigaste samtidskunstnarane vi har. 

Utstillinga vises i perioden 29. mai - 16. august. 

OPNINGSTIDER: 
Måndag - fredag: 11.00 - 16.30
Laurdag - søndag: 12:00 - 18:00
Med forbehold om redusert opningstid enkelte dagar.  

PUSHWAGNER- MENY
Oseana kafé og restaurant serverer ein eigen Pushwagner - meny i utstillingsperioden, med 20% rabatt på BT Fordel-kortet. 
Lunsjmenyen blir servert i perioden 30. mai til 15. august, unnateke på søndagar. Merk også at fram til 22. juni held kaféen stengd måndagar og tysdagar.  

MAESTRO 
Culotte av okse, serveres med hvit og grønn asparges og tyrolesaus 
Ord. Pris kr. 275,- BT Fordel kr. 206,- 

SOFT CITY 
Ovnsbakt havabbor, serveres med sesongens grønnsaker 
Ord. Pris kr. 239,- BT Fordel kr. 179,- 

JOBKILL 
Fish & chips servert med salat og kaperssaus 
Ord. Pris kr. 179,- BT Fordel kr. 135,-   
 

Ekstra-omvising søndag 14. juni kl. 14.00! 

Foto: Marius Hauge

I anledning Hariton Pushwagner sin 75-årsdag i 2015, fyller vi heile vårt utstillingslokale på Oseana med årets største Pushwagner- utstilling! Bli med på guida omvising i utstillinga med vår kurator Marianne Gathe, og få djupare innsikt i historia bak kunstnaren og bilda til ikonet Pushwagner.  

Det blir tre søndagar med omvisingar denne våren: 

Søndag 31. mai kl. 13:00 - UTSELD

Søndag 14. juni kl. 13:00 - UTSELD
Søndag 14. juni kl. 14:00 - EKSTRA 

Søndag 28. juni kl. 13:00 - FÅ BILLETTAR! 

Merk! avgrensa antal billettar! 

Husk også at utstillinga er open kvar dag heile sommaren i våre vanlige opningstider! 

MIDDAG ETTER OMVISINGA?
Oseana kafé og restaurant serverer sin berømde søndagsbuffet mellom kl. 13:30 - 16:30, beståande av eit stort utval varme og kalde rettar, samt dessertbuffet. Ring 53 69 51 40 for bordbestilling!  

Endeleg kjem Elsa Lystad til Oseana med den kritikarroste framsyninga om hennar eige liv! Noregs humordronning byr på høgdepunkt frå sitt lange liv, både i og utanfor rampelyset. Det blir eit varmt og nært, men også hylande morosamt møte med artisten og mennesket Elsa Lystad. 

Lystad er bejubla som "seriøs" skodespelar og elska som grenselaus humorist med eit heilt ubegripeleg trøkk og varmt talent for improvisasjon, som ein kvar jazzmusikar berre kan misunne henne. I denne framsyninga er det den frittgåande Elsa vi møter, det humoristiske mennesket med eit reflektert og sylskarpt skråblikk på tilværet sitt forunderlege persongalleri, henta frå eit levd liv i og utanfor rampelyset. Saman med sin musikalske "vaktmeister" Petter Anthon Næss byr ho på ei fantastisk feststund. 

"Alle burde unne seg en Elsa!"  Terningkast 6 - Østlands-Posten  

"Smella går som et lykkehjul!"  Terningkast 5  - Tønsbergs Blad   

"Lystad kan fortsatt feie gulvet med de fleste yngre humorister"Terningkast 5  - Dagsavisen    

"Eventyrlige Elsa!" Terningkast 5  - VG  

"Ekte gledesspreder!" Terningkast 5 - Dagbladet  

"En dronning på scenen!" Terningkast 5 - Fredriksstad Blad  

"Feststund med Elsa Lystad!" Terningkast 5 - Bergens Tidende   

Foto: Stian Andersen

Anneli Drecker er eit kjent namn for mange. Songaren og komponisten frå Tromsø har gjeve ut sju plater med Bel Canto, men lanserar no si tredje soloplate, Rocks and Straws. Ho har også samarbeida med ei rekkje kjende artistar, som Röyksopp, Ketil Bjørnstad, Hector Zazou og Jah Wobble, i tillegg til å ha skrive fleire bestillingsverk. Ho har også hatt fleire store rollar i film og teater, mellom anna i Svarte Pantere (1992), Bøddelen (Det Norske Teatret 2000), Hamsuns Feber (Hålogaland Teater 2009) og Trollmannen frå Oz (Hålogaland Teater 2015). Ho var dommar i Idol i 2004, deltok i Stjernekamp i 2013 og Hver gang vi møtes i 2014. Drecker har vunne tre Spellemannsprisar og fleire andre prisar, blant anna Rolf Gammleng-prisen for sitt virke som komponist. 

Det nye albumet hennar, Rocks and Straws, er basert på dikt av den nordnorske kultpoeten Arvid Hansen, oversett til engelsk av Roy-Frode Løvland. Dikta har sterke innslag av naturmusikk, men tek også føre seg mennesket og naturen, og mennesket i naturen. Albumet byggjer vidare på lydbilda som Anneli alltid har med seg, og musikken ho har laga er eit resultat av desse bilda - eit nordisk, arktisk-akustisk landskap med påverknad frå heile verda. 

Kritikarane har vore frå seg av begeistring, og dei fleste meiner dette er det beste albumet hennar nokon gong: 

”Å lytte til Anneli Drecker kan av og til føles som å stå helt stille i et vinterlandskap, omsluttet av store, tjukke snøfiller som sakte, men sikkert daler ned mot bakken.  Det er en andektig følelse. Annelis vokal gir inntrykk av å være ekstremt kontrollert, men samtidig også bærer av uante naturkrefter, krefter som kan slippes løs før du vet ordet av det. (...) På Nord-Norge-hyllesten «Rocks and Straws» skinner Anneli Dreckers vokal sterkere enn midnattssola,” skreiv Dagbladet om albumet. 

MIDDAG OG KONSERT?

Kvifor ikkje kombinere konserten med ein middag, og gjere det til ein heilaftan? Restauranten tilbyr herlege rettar til gode prisar! Ring 53 69 51 40 for bordbestilling! 

Gamle og nye musikantar i skjønn forening!

Bli med på konsert med eit symfonisk blåseorkester med tilnærma full besetning beståande av musikantar frå Os i alderen 10 til 80 år.

Konserten er avslutninga på eit samspell-seminar med Os Musikkforening, samt unge blåsarar og perkusjonistar frå Os og Samnanger. I rekkjene finn ein medlemmar frå skulekorpsa i Os, Samnanger skulekorps og Os kulturskule.

Konserten er støtta med KUP-midlar frå Os kommune.

Billettar kjøper du i døra. NB! Kun kontantar!

Billett kr. 100,-  Born under 10 år gratis

Thomas Dybdahl er endeleg klar for soloturné i Noreg! 

Etter seks album og mykje turnering i utlandet er Dybdal omsider klar for ein lang haustturné med kun seg sjølv og gitarane sine på utvalde konsertstadar i Noreg. Etter utselde og meget godt mottekne konsertar i Operaen og Nidarosdomen tyder alt på at dette fort kan bli kveldar ein heilt klart bør prioritere. Etter solokonserten i Nidarosdomen i Trondheim trilla GAFFA terningkast 6 og skreiv: 

"Dybdahl fyller hele rommet, både mellom søyleganger ogøreganger, og når vi går ut er det med litt mer varme i hjertet"

Om å turnere solo seier Thomas: "Å kunne spille sangene slik de ble laget og med friheten som følger med det å være alene på scenen er noe som jeg har blitt mer og mer glad i. Er man heldig kan man skape en annen slags intimitet mellom seg og publikum. Fjerne det usynlige gitteret som av og til oppstår mellom utøver og tilskuer. Fallhøyden er kanskje større, men belønningen er enda større når alt klaffer “

Thomas Dybdahl har i år vore aktuell med trioen In The Country, samt vinyl-lansering av sine tre fyrste album “..That Great October Sound”, “Stray Dogs” og “One DayYou´ll Dance For Me, New York City" som nok mange har eit sterkt forhold til. 

Dette blir ein magisk vakker kveld i Oseanasalen, kom inn frå haustkulda og la Thomas Dybdahl varme hjertet ditt også! 

A celebration of the Rocket Man. 

The Elton Show er ein hyllest til Elton John sine største hits. Dette showet er ei glimrande gjenskaping av den magiske kjensla av Elton og musikkenhans. Showet dekkjer fire tiår med musikk, frå 70- talet og fram til i dag. Det inkluderer mange av dei største slagerande, frå den tidlause Your Song, til rockeslagerane som Saturday Night's All Right For Fighting, via I'm Still Standing og vidare til Can You Feel the Love Tonight. 

For millionar av menneske har desse songane blitt ein del av lydsporet til livet, tiår for tiår. Kombinert med sin overdådige stil og dynamiske opptredenar har Elton John blitt ei legende i popverda. 

The Elton Show kaprar essensen av Elton Jonn, og er ein underhaldande kveld og ein ektefølt hyllest til musikken og energien frå the Rocket Man. 

På scena møter talentfulle artistar frå heile Europa. Som sjølvaste Elton John finn du den internasjonale artisten CJ Marvin frå Melbourne i Australia. Han har jobba som songar, låtskrivar og produsent i 30 år over heile Europa, men bur no i Noreg. På gitar, bass og slagverk finn vi tre italienske musikarar, Maurizio Vercon, Alessandro Leonzini og Giancarli Spirito. På keyboard møter vi Ray Johnson, som har spelt over heile landet og underheldt med si eksepsjonelle pianospeling. Bandet inkluderer også ein trio av kordamer, beståande av Marianne Moen frå Notodden, Miriam Sleire frå Bergen og brasislianskfødde Fabiana Tavares, busett i Os! Juvelen i denne unike oppsetninga er den britiske trommeslagaren Charlie Morgan, som var Elton Johnsin offisielle trommeslagar mellom 1985 og 1998! 

Denne konserten er mykje meir enn berre endå eit "look alike"- nummer. Det er ei varm, ektefølt og strålande hylling av ein stor musikar, komponist og idol for mange. Dette blir ein kveld verd å få med seg! 

En natt forbi i kubansk drakt! 

Etter å ha høyrt Hovedøens versjon av «En natt forbi» blei det freistande for Eggum å invitere dei med på å ta dei nye og gamle låtane hans med ut på tur.

Sagt om Hovedøen Social Club:
«Hovedøen Social Club kjennetegnes for å lage cubanske versjoner av norsk populærmusikk. Denne usannsynlige fusjonen mellom Havanna og Norsktoppen/Grand Prix/VG-lista har gjort at nordmenn over det ganske land trekker på smilebåndet og kjenner det rykker i dansefoten. Det innebærer gjerne frekke løsninger. Utfordringen bak versjonene er å balansere for ikke å bli en parodi, men en feiring av de kvaliteter som gjorde at man i utgangspunktet husker disse låtene. Og dessuten tilføre alt det som gjør at vi aldri blir lei av å utforske de karibiske musikkformene.»

Os kulturskule held fram med eventyret om Fjøsnissen Borg. 

Fjøsnissen Borg Drar er neste kapittel i forteljinga om Fjøsnissen Borg. Som vi huskar frå juleframsyninga i fjor tok Borg farvel med dyra på Borgafjellet og la i veg innover i landet for å finne seg ein gard der han kunne vere fjøsnisse. Det skulle vise seg å bli vanskelegare enn han hadde trudd. Storm, lyn og torevêr og ikkje minst enorme mengder med snø, gjorde turen svært krevjande. Mykje gjekk gale for Borg undervegs og til slutt enda han opp ein stad der ingen skulle tru at ein fjøsnisse kunne bu.

I denne juleframsyninga til Os Kulturskule vil det vere opp mot hundre kulturskuleelevar som deltek.

NB: 2 framsyningar, ei kl. 18.00 og ei kl. 20.00! 

Billett kr 100,-

Billettar kan kjøpast frå 1 veke før framsyninga hos rektor Christian Breistein og/eller på elevane sine øvingar hos Jon Søfteland Sæbø.

Os kulturskule held fram med eventyret om Fjøsnissen Borg. 

Fjøsnissen Borg Drar er neste kapittel i forteljinga om Fjøsnissen Borg. Som vi huskar frå juleframsyninga i fjor tok Borg farvel med dyra på Borgafjellet og la i veg innover i landet for å finne seg ein gard der han kunne vere fjøsnisse. Det skulle vise seg å bli vanskelegare enn han hadde trudd. Storm, lyn og torevêr og ikkje minst enorme mengder med snø, gjorde turen svært krevjande. Mykje gjekk gale for Borg undervegs og til slutt enda han opp ein stad der ingen skulle tru at ein fjøsnisse kunne bu.

I denne juleframsyninga til Os Kulturskule vil det vere opp mot hundre kulturskuleelevar som deltek.

NB: 2 framsyningar, ei kl. 18.00 og ei kl. 20.00! 
 
Billett kr 100,-
Billettar kan kjøpast frå 1 veke før framsyninga hos rektor Christian Breistein og/eller på elevane sine øvingar hos Jon Søfteland Sæbø.

Ein musikalsk presentasjon av biografien "Veien til Mozart". 

Foto: Benedikte Ugland

I desember 1791, når Wolfgang Amadeus Mozart er 35 år gamal, døyr han. Midt i sin mest intense skaparperiode. Han har levd eit liv utan barndom, driven fram av musikken og faren Leopold sin ærgjerrige vilje. Han har spelt og sjarmert utallige hoff i Europa, imponert fyrstar og kongar med sin eigendomelege musikalske begaving. 

Ketil Bjørnstad var sju år då mor hans ville lære han å like Mozart. Ho sa at pianoet i stova ikkje var komen inn i huset ved ei tilfeldigheit, det skulle spelast på! "Veien til Mozart" er ein biografi som byggjer på Mozart sine brev, i tillegg til ny forskning. Men det er og ei erindringsbok der Ketil Bjørnstad fortel om sitt fyrste møte med Mozart, heime i stova på Røa. Han skriv om korleis det var å vekse opp med ein komponist han framleis spelar kvar dag. Det handlar og om dei val Bjørnstad måtte ta tidleg i livet, då han hoppa av ei karriere som klassisk utøvande pianist og istaden søkte seg ei framtid som forfattar, komponist og jazzmusikar. Det er og ein hyllest til den grensesprengande krafta som finnast i musikken, uansett tid, uansett alder. Det er ei bok om kva Mozart betyr i dag, meir enn 200 år etter at han levde. 

PRESSA SEIER: 
«En duett som funker. ... Ketil Bjørnstad skriver overbevisende om to tisdaldre og to liv. (...) Ketil Bjørnstad skriver intenst, vakkert og med stor kunnskap og innlevelse om Mozart musikk. (...) Veien til Mozart er blitt en særdeles interessant og insiktsfull duett, der budskapet er at veien til kunsten er brulagt med motstand. (...)Ingen komponist er så nøye blitt biografert og gransket som geniet Wolfgang Amadeus Mozart. Likevel klarer Ketil Bjørnstad med sitt grep å gjøre historien levende og ny. Godt gjort.» Arne Dvergsdal, Dagbladet

«Ketil Bjørnstads biografi om Mozart er blitt like mye selvbiografi som biografi. Det er et vellykket grep. (...) Veien til Mozart er en klok, innsiktsfull, velskrevet og ikke minst humoristisk bok om Mozart, Bjørnstad, musikken og livet selv.» Torild Sæter, Aftenposten

«Nærmere Michael Jackson i det 18. århundre kommer du neppe (...) En glassklar anbefaling.» Arild Rønsen, arildronsen.no

«... forfatteren improviserer med Mozart som utgangspunkt. Jeg liker suget i teksten (...) Mozart tenkte som en musiker, er Bjørnstads tese.» Ida Habbestad, Klassisk Musikkmagasin

Brasilianske rytmar med Tone Lise Moberg & band

Ei utadvendt og frisk gruppe med «groove» og publikumsvenleg musikk. "Tone Lise and the Bahia" spelar nydeleg brasiliansk musikk komponert av Tone Lise Moberg, Dori Caymmi og Antonio Carlos Jobim. 

Bandet består av: 
Tone Lise Moberg - vokal
Heine Bugge - trekkspel
Arild Seim - klassisk gitar
Gunvald Andreas Hagen - piano/keyboards
Torbjørn Hillersøy - bass
Hans Christian Dahlseng - trommer
Audun Humberset - perkusjon

MIDDAG OG KONSERT?
Kvifor ikkje kombinere konserten med ein middag, og gjere det til ein heilaftan? Restauranten tilbyr herlege rettar til gode prisar! Ring 53 69 51 40 for bordbestilling! 

Er du vår nye servicemedarbeidar? 

Oseana Kunst og Kulturhus er eit hus for det lokale, regionale og nasjonale kulturlivet. Fordelt på 5 800 kvadratmeter finn du kultursal, restaurant, galleri og lokale for kurs, konferansar, møte og selskap. Oseana sine tre hovudverdiar er Inviterande, Nysgjerrig og Pådrivar. 

Vi søkjer etter servicemedarbeidar.Servicemedarbeidaren vil ha hovudansvar for resepsjonen og vere vårt ansikt utad mot publikum. Vi søkjer ein serviceinnstilt person med god evne til kundebehandling. Relevant bakgrunn og erfaring samt kultur- og kunstinteresse vil vektleggast.

Stillingsprosent: 50%
Arbeidstad: Oseana Kunst- og Kultursenter
Prosjektstilling: 01.09.2015 – 01.07.2016 

Spørsmål angåande stillinga kan rettast til direktør Ole Tobias Lindeberg på telefon 932 57 024 eller ole@oseana.no.
Søknad sendast til ole@oseana.no 

Søknadsfristen er 01.08.2015 

Kom på Operapub på Oseana! 

Velkomen til ein uformell songkveld på Oseana! 

Denne kvelden har vi opera på repertoaret, og songarar frå Edvard Grieg Kor fører an. Alle som elles har lyst til å bidra er hjarteleg velkomne opp på scena!

Kvifor ikkje kombinere operapuben med ein middag på førehand? Ring vår restaurant på 53 69 51 40 for bordbestilling!

Ynskjer du ikkje middag er det sjølvsagt råd å få noko godt i glaset under konserten. 

Kom på uformell operapub!

Vi inviterar alle opera- og sangfrelste til nokre timar på Oseana i ein høgst uformell samankomst, der formålet er å ha det moro medan ein nyt venta og uventa innslag frå scena. Vi kan røpe sopass at gjestelista inneheld Bodil Arnesen, medlemmar av Edvard Grieg Kor og fleire. 

Pianisten er Tor Erik Seime Pettersen, som vil få litt av ein jobb med å akkompagnere alle dei songtørste. Stakkars mann...

KammerJazz i restauranten!

Jazzkaféane på Oseana er populære innslag kvar månad, med god stemning, lystige tonar og klirring frå tallerkar og glas i restauranten, ein laurdag i månaden. 

I samband med Oseana Kammerfest inviterar vi til KammerJazz på laurdagskvelden! Og kven var meir naturleg å invitere enn pianisten Dag Arnesen? Ein ting er at han har gjort tallrike innspelingar av sine eigne versjonar av Grieg, men han er også ein av landets mest kapable jazzpianistar! Denne kvelden opptrer han saman med bassisten Ole Marius Sandberg. 

Inngangsbilletten på kr. 100,- betalar du i døra, og restauranten held ope for servering av drikke under konserten.