Barnefilm / familiefilm
Petterson har lova Findus at det skal bli den beste jula nokon sinne - men dei har ikkje hellet med seg!
Findus er redd for at det ikkje vil bli nokon julefeiring i det heile tatt og prøver å arrangera alt sjølv.
Lengde: 1 t. 22 min.
Tillatt for alle
Billetter kjøper du i resepsjonen på Oseana etter 20. november.
Os Vocalis vil gjerne invitere deg til å senke skuldrane og starte julemånaden saman med seg. Dei har sett saman ein julekonsert med eit variert og vakkert reportoar. Dei har henta fram både dei gode gamle julesongane som skapar den rette julestemninga år etter år, i tillegg til nokon nye favorittar som dei har blitt svært glade i.
Vel møtt!
Billettpris: 150,-
Billettar kan kjøpast i døra, eller hjå medlemmar i koret.
Ta kontakt på e-post: damekoret.osvocalis@gmail.com eller med Ragnhild Leikvoll Fedje på tlf. 400 44 587
Norsk Action / Dokumentar
Korleis er det å setja utfor stupbratte fjellsider i Alaska? Køyre på botnlaus puddersnø i Japan? Kasta seg ut i halsbrekkanda stunts i by og fjell?
Supervention 2 følgjer livet til eit knippe ski- og snowboardutøvarar når dei gjer det dei likar best. Vi møter menneske i ulike aldrar og livssituasjonar, alt frå den unge og ambisiøse utøvaren, til veteranen som ynskjer å finna tilbake til leiken. Vi møter også dei som har eit tilnærma normalt liv med familie og ungar.
Filmen gjev eit unikt innblikk i korleis desse menneske tenkjer, og korleis dei pushar sine eigne grenser. Igjen og igjen.
La deg inspirera av årets mest spektakulære vintereventyr!
Med: Aksel Lund Svindal, Jesper Tjäder, Terje Håkonsen, Marcus Kleveland, Anders Backe, PK Hunder, Fredrik Evensen, Anja Alme Gardli, Eirik Finseth Asbjørn Eggebø Næss, Titil Sjåstad Christiansen, Linn Cecilie Mæhlum.
Tillatt for alle.
Lengde: 2 timar.
Billetter kan kjøpast i resepsjonen på Oseana etter 20. november
Unummererte plassar.
Sondre Lerche er eit navn dei fleste nordmenn mellom 12 og 80 kjenner til, og har allereie hatt ei lang og fruktbar karriere både som artist og tv- personlegheit. Det er vanskeleg å tru at mannen så vidt har rukke å fylle 30 år!
Og 21. januar 2017 startar han noregsturneen sin på Oseana!
Sondre Lerche er ein artist som vanskeleg let seg sette i bås. Sjangermessig kan han beskrivast som ein klassisk crooner med fengande poplåtar, inspirert av 70-talsrock, pønk og med innslag av elektroniske element. Som konsertartist opplevast han som ein ernergisk og svært karismatisk frontfigur med eit tett og solid band i ryggen. Dette er rett og slett ein artist ein bør få med seg live!
Lerche sitt forrige album, "Please", viste oss ein artist som på ingen måte er ferdig med å utforske nye musikalske landskap, og inneheldt nokre av dei friskaste og mest dansbare låtane ein har haurt frå Sondre. Rykta vil ha det til at vi allereie seinare i år vil få ny musikk frå Sondre, og vi gler oss stort!
Billettane er i sal, sikre deg billett no til Oseana sin storkonsert i 2017!
Kun ståplassar!
18 års aldersgrense, unge under 18 år kan kome i følgje med ein vaksen over 23 år. Vergeskjema må leverast ferdig utfylt ved inngong.
Velkomen til lansering av Oseana sitt vårprogram 2017!
Vi byr på julegraut og peparkaker i foajeen laurdag 3. desember kl. 14.00, der vi presenterer det heile og fulle programmet for våren 2017.
Artistar frå vårprogrammet deltek med musikalske smakebitar, og billettsalet startar kl. 14.00! Sikre deg billettar til dine favorittar, eller kanskje du kan gje vekk nokon i julegåve? Du kan også få med deg eit program i handa (postdistribuerast i januar 2017).
Velkomne!
Evelyn Holm er tilsett i stillinga som kunstformidlar og kurator ved Oseana Kunst- og Kultursenter.
Holm er utdanna kunsthistorikar og har brei erfaring frå arbeid med kunstfeltet. Holm har mellom anna vore rådgjevar ved Seksjon for kunst og kultur i Bergen kommune og utstillingsleiar ved Hordaland Kunstsenter, i tillegg til at ho i 2014 avslutta et treårig engasjement som direktør for den internasjonale triennalen for kunst og forskning, Bergen Assembly.
- Evelyn Holm er ein person med akkurat den erfaringa og kompetansen vi treng for å vidareføre utviklinga av kunstdelen i Oseana. Vi vil også benytte anledninga til å takke Marianne Gathe for det arbeidet ho har gjort dei siste to åra. Vi går ei spanande tid i møte, seier direktør Ole Tobias Lindeberg
Marit Victoria Wullf Andreassen viser utstillinga Oh Devolution i Galleri Hvelvet i perioden 11. mars - 2. april.
Utstillinga opnar 11. mars kl. 13.00. Det er gratis inngang og lett servering.
Aage Langhelle viser salsutstillinga Uncertain Traces- Comments on Mapping inbetween Order and Randomness i Galleri Hvelvet i perioden 8. april - 30. april.
Utstillinga opnar 8. april kl. 14.00. Det er gratis inngang og lett servering.
Aage Langhelle viser salsutstillinga Uncertain Traces- Comments on Mapping inbetween Order and Randomness i Galleri Hvelvet i perioden 8. april - 30. april.
Utstillinga opnar 8. april kl. 14.00. Det er gratis inngang og lett servering.
Laurdag 11. februar opnar Bjarne Svanøe utstilling i Galleri Hvelvet, med oljemaleri på lerret.
Utstillinga opnar kl. 14:00, og det er gratis inngang og enkel servering.
Utstillinga står i perioden 11. februar - 5. mars.
Bjarne Svanøe stiller ut i Galleri Hvelvet i perioden 11. februar - 5. mars.
Opning laurdag 11. februar kl. 14.00. Gratis inngang og enkel servering.
Kommunane Os og Fusa slår igjen saman årets mønstring!
For meir informasjon og korrekt tidspunkt, sjå www.ukm.no.
Velkommen til UFest 2017!
Med m.a. Kløver og Skarre R, Lisky og Raylee i tillegg til fleire band frå Os og omegn.
Meir info kjem!
Passar frå 14 – 20 år.
Alkoholfritt.
Tysdag 7. februar kjem Riksteatret med sitt teaterstykke basert på den svenske suksessromanen "En mann ved navn Ove" av Fredrik Backmann. Vi ladar opp til teaterframsyninga ved å maratonlese heile romanen!
Vi startar kl. 10:00 og les oss gjennom heile boka. Opplesinga finn stad i Griegsamlingen, der vi riggar oss eit koseleg lesehjørne. Vil du vere med å lese? Send oss ein epost til post@oseana.no og vi set deg opp med eit kapittel. Og kanskje vil du utfordre nokon andre til å vere med? Sjefen, kollegaen, vennegjengen, ein onkel eller ekspeditøren på Meny? Her er alle velkomne, uansett lesehastigheit eller stemmeleie!
Det er gratis inngang under heile opplesinga, og du er sjølvsagt varmt velkomen til å høyre på. Ta med deg strikketøyet eller fargeboka, spark av deg skoa under stolen og nyt å bli lesen for ein heil laurdag. Du kan sjølvsagt kome og gå som du vil.
Ver med å bidra på Oseana sin fyrste lesemaraton!
Foto: Marte Garmann
Frode Grytten er ein av våre mest folkekjære forfattarar, og med dette stykket har han laga ei varm og vakker hyllest til livslang kjærleik.
Vi kjem tett inn på Albert og Anna, to eldre menneske, som har elska kvarandre gjennom eit langt liv. Albert & Anna er historia om heilt vanlig kjærleik, den kjærleiken som ikkje blir sett av andre enn dei som deler han. Som livspartnarar har Albert og Anna dyrka sin hage slik dei har dyrka kvarandre. Men no er Anna i ferd med å forsvinne, og når ho blir borte, er også Albert redd for å miste seg sjølv. I stykket treff dei igjen den unge Anna og den unge Albert. Humoristiske og varme tilbakeblikk skildrar samliv og samhald gjennom vekslande årstider.
Grytten fortel med dette ei sterk kjærleikshistorie. Han er elska for sine ærlige, morosame og gjenkjennelige forteljingar om vanlige menneskes uvanlige liv, og står mellom anna bak suksessane Bikubesong og Sånne som oss. Regien er ved Hildegun Riise og kjærleiken blir tonesett av Espen Leite, kjent for sin uvanlig vakre tangomusikk.
«Den enkle gleda ved å stelle i hagen saman med nokon. Den enkle gleda ved å lage kaffi til nokon. Den enkle gleda ved å halde rundt nokon. Han tenker at om han står slik lenge nok, så kjem ho tilbake.»
Med: Kari Simonsen, Stine Robin Berg Hansen, Sverre Bentzen, Kristoffer Sagmo Aalberg og Espen Leite.
Regi: Hildegun Riise
Scenografi: Åse Hegrenes
Videodesign: Åsmund Bøe
Lysdesign: kunngjerast seinare
Lyddesign: kunngjerast seinare
Produsert av Riksteatret i samarbeid med Den Nationale Scene.
Kritikarvisning på Riksteatret i Nydalen, Oslo 18. mai 2017
Urpremiere på Den Nationale Scene i Bergen 23. mai 2017
På turné med Riksteatret til 47 stader hausten 2017. Spelast på DNS etter turné.
Følg gjerne vårt Facebook- arrangement!
Thorbjørn Egner sin kjende og kjære klassikar får endeleg form på filmlerretet!
I Hakkebakkeskogenn går Klatremus og dei små venene hans rundt i konstant fare for å bli eten opp av Mikkel Rev og andre rovdyr som ikkje klarer å skaffe seg mat på ærleg vis. Då Petter Pinnsvin i tillegg prøver å ete opp den fornuftige Morten Skogmus si Bestemor, er det på tide å lage ei lov for å regulere dei lovlause tilstandane i skogen. Bjørnen Bamsefar hjelper dei med å innføre lova: No skal alle dyra i skogen vere vener, og det er forbode å ete kvarandre. Men Mikkel Rev er framleis svolten...
Filmen varer i 1t 15 min og er tilleten for alle.
"Hundreåringen som klatret ut gjennom vinduet og forsvant" vart ein en enormt stor suksess, både i heimlandet Sverige og i mange andre land. Berre i Noreg vart den sett av nesten 240.000 på kino!
No er oppfølgaren klar, og Robert Gustafsson skal gjenta suksessrollen i filmen "Hundreogettåringen som stakk fra regningen og forsvant". Allan Karlsson skal nok ein gong ut på nye eventyr, denne gong skal han reise frå Bali tilbake til Sverige, med både CIA-agentar, balinesiske pengeinnkrevarar og eit svensk brusfirma hakk i hæl.
Filmen varer i 1t 47min og har 12 års aldersgrense.
TenåringsidolaMarcus & Martinus har teke Noreg med storm dei siste åra, og no kjemkinodokumentaren om gutane fra Trofors.
Dokumentarfilmen følger idola frå da gutane si karriere for alvor tok av i starten av 2015, og heilt fram til og med konsertane i Oslo Spektrum hausten 2016.
Premiere 20. januar 2017! Sjekk mmfilmen.no for meir info!
Filmen varer i 1t 20min og er tilleten for alle.
Denne filmen er basert på den sanne historia om gatekatten Bob, ei historie som også har gleda lesarar sidan boka kom ut i 2010. Berre i Noreg er bøkene selde i ufattelege 140 000 eksemplar!
Uteliggaren James Bowen lever eit hardt liv på gatene i London, og prøvar å bli kvitt rusavhengigheita si. Han tenar til livets opphald som gatesongar og familien har slått handa av han. Men ein dag møter han ein rødspragla katt som nektar å forlate han. Katten Bob skal vise seg å bli venen James treng for å kome på rett spor igjen. Ein liten sjarmerande følgesven som gjev James mot til å gjere livet betre for dei begge.
Filmen varer i 1t 42min og har aldersgrense 9 år.
