Historia om Peter som bur hos bestefar sin og som trass i åtvaringar går ulven i møte, er ein klassikar og har blitt framført av symfoniorkester over heile verda sidan 1936. Under årets festspel er det premiere på ein heilt ny og vilter kabaretversjon.
Hordaland Teater vekkjer oppsikt med sine teaterproduksjonar, som ofte har eit visuelt og musikalsk særpreg. For festspelframsyninga Veggen i 2011 mottok teateret Heddaprisen. Det er no det same ensemblet som slår seg laus med Peter og Ulven. Karoline Krüger har med seg eit knippe av byens beste musikarar, og saman kallar dei seg Norsk kabaretorkester.
TROND BIRKEDAL regi
HILDE SOL ERDAL koreografi
ÅSE HEGRENES kostyme
KAROLINE KRÜGER bandleiar og melodika
ELINE SUNDAL cello
MAGNUS BRANDSETH tuba
JOSTEIN STALHEIM accordion
ARE OVESEN trompet
Framsyninga blir spelt i Griegsamlingen, og visast både kl. 16.00 og kl. 17.30. Unummererte plassar.
