Det er Eilif Stene og Ine Tumyr som har utstilling i Hvelvet no, og denne utstillinga skulle etter planen vere ferdig til helga. No utvidast tida med ytterlegare to veker, så siste utstillingsdag blir 27. januar. Hvelvet ligg inne i Griegsamlinga, og begge utstillingane er opne tysdag - fredag 11.00 til 16.30 og laurdag - søndag 12.00 - 18.00. Eilif og Ine stiller ut henholdsvis fotografi og skulpturar, og utstillinga er ei salsutstilling.
Om kunstnarane:
Eilif Stene jobbar til dagleg som prosjektleiar i AVAB-CAC Bergen AS, men starta allereie å fotografere med speilreflekskamera i 1974. Ambisjonen var då klar, han skulle bli pressefotograf. Etter kvart som åra gjekk enda han likevel opp som lydteknikar, med fotograferinga som ein parallell hobby og aktivitet. Han har tidlegare hatt fleire separatutstillingar av fotografia sine.
Ine Tumyr lagar skulpturar i aluminium og keramikk. Ine hentar stor inspirasjon frå havet, noko som resulterar i skulpturar av sjøhestar, skjel og fiskar. Ine var også representert på utstillingsopninga til Oseana, med selskulpturen Seline. Ine er også kjend frå bandet ORBO & the Longshots.