Os kulturskule består av ein stor gjeng dyktige og flinke lærarar, og ein endå større flokk med dyktige og flinke elevar! No inviterar dei til konsert saman.
"Afrasia" er eit stykke skrive av kulturskulelærar Jon Søfteland Sæbø, og den vart fyrste gong framført i Fjellheim i 2005. Musikken er komponert for å vere tilpassa elevane sine ulike nivå, og temaet for konserten er born i verda som lid under fattigdom, svolt og krig. Tekstane i konserten gjenspeglar dette temaet.
Konserten er eit samarbeid mellom elevane og fire lærarar, Magne Lunde som underviser i trommer, Turid Moberg Kirkbride som underviser i song, Inger Hovdenakk som underviser i cello og Jon Søfteland Sæbø som underviser i tangentar og gitar.
Musikken blir difor framført av gitaristar, bassistar, keybordistar, trommisar, cellistar og songarar. Over 80 elevar kjem til å delta i konserten, alt frå nybyrjarar til vidarekomne. Dette blir ein storslagen konsert som verkeleg viser breidda i Os kulturskule!
