norsk jazz
Silje Nergaard har etter kvart opparbeida seg eit respektabelt internasjonalt renommé som stjerne på den store jazzhimmelen. Ho er utan tvil Noregs bestselgande jazzartist gjennom tidene, med totalt 15 album gjennom si 20 år lange karriere.
Silje starta når ho gjekk på scena under ein jam på MoldeJazz når ho var 16 år. Sidan den tid har jo også etablert seg som ein av landets beste låtskrivarar. Den fyrste singelen hennar, "Tell Me Where You're Going" vart ein internasjonal suksess. Det fyste albumet hennar, "At First Light", er framleis Noregs mestselgande jazzalbum.
No er ho ute med ny plate, den femtande i rekka. "Chain of Days" har blitt ei plate med elleve genre- overskridane songar som møysommeleg er snekra saman til eit album der melodien står i fokus. Nergaard seier sjølv at dette er plata der ho har funne si eiga stemme og for fyrste gong føler seg fri, konfortabel og heilt fornøgd. Ho har leika både med folk, pop, country, jazz og blues, men heile veien er Silje sin gjenkjennelege signatur lett tydeleg.
Innspelinga har vore ei ny oppleving for henne, og ikkje minst har det blitt ei plate ho er veldig stolt av.
- Jeg håper jeg lager musikk som kan være lydbildet til folks liv. At mine sanger kan holde lytterne i hånden både gjennom gode og triste dager.
Silje står på Oseanascena med sin eigen trio denne kvelden, velkomen til ei stemningsfull og vakker konsertoppleving!
