2012 var jubileumsåret der Torbjørn Egner ville ha fylt 100 år, noko som vart feira over det ganske land. Oseana hadde tidlegare besøk av Riksteateret med denne framsyninga, som vart raskt utselt. Mange skuffa store og små fekk ikkje sett framsyninga, men no får alle ein ny sjanse!
Fyllingsdalen Teater si Hakkebakke- framsyning vart skapt i fjor nettopp for Egner- jubileet, og vart ein kjempesuksess med over 5.000 besøkjande, og strålande kritikkar både i Bergens Tidende og i Bergensavisen.
I Hakkebakkeskogen møter du alle dei kjende figurane frå Egner si flotte og evigvarande forteljing: Morten Skogmus, Mikkel, Brumlemann, Bakermester Harepus og alle dei andre dyra. Thorbjørn Egner skriv sjølv dette om Hakkebakkeskogen: "Hakkebakkeskogen er en diktet liten verden som på mange måter kan minne om vår egen store verden".
Medverkande: Lene Friksen Langballe, Sturle Bjordal, Bjørn A. Grønner m.fl.
Ikkje nøl dersom du vil sikre deg billettar til denne flotte framsyninga! Ta med deg heile familien og bli med inn i skogen!
