Illustrasjon: Vidar Bratlund Mæland
Musikkglede er eit frivillig kulturtilbod for 1.-4. trinn på Søre Neset skule og Kuventræ skule. Hovudfokus er gleda ved musikk gjennom leik, rytmar, dans og song. Musikkglede blir leia av Annveig Fjellstad Myklebust, som er oppteken av at borna skal få medverka i heile prossessen. Difor er dei også med på å forma forestillinga.
Musikkglede hausta gode kritikkar etter framsyninga «Ei vandring gjennom Egners univers» som dei viste på Oseana hausten 2012. No er neste prosjekt klart for framsyning, og over 70 barn gler seg til å erobra Oseanascena 16. juni!
Då inviterer dei til JUBA JUBA - ei sjarmerande og variert musikalsk framsyning med nokre av dei mest kjende songane frå radarparet Knutsen & Ludvigsen. Om ikkje kongen kjem, så får vi heilt sikkert helsa på både grevlingen, kua i tunnellen og brilleslangen!
Framsyninga varer i om lag 45 min.
