ALF er eit koseleg figurteaterspel med dei to dukkespelarane Boris Rodriguez Hauck og Nina Haga. Gjennom Alf Prøysen sine songar, både dei kjende og dei meir ukjende, blir Prøysen si mangfaldige verd illustrert i eit visuelt spel. Dei to dukkespelarane skapar dei vakraste bilete ved hjelp av ulike materiale, alt frå hattar, flasker, fjør, ballongar, kasseroller og mange andre daglegdagse ting. Fantasien kjenner ingen grenser!

Framsyninga varer om lag 45 minutt, og passar for alle i alderen 3 - 90 år! Ta med mor, bestefar, onkel og minstemann på ei hyggeleg stund i Oseana!  

FØRJULSPRISAR FRAM TIL 24. DESEMBER! 

Fram til 24. desember har vi førjulstilbod på utvalde arrangement! Kvifor ikkje gje vekk ei oppleving i julegåve? Stikk innom Oseana og kjøp billettar, eller kjøp dei på www.billettservice.no. Ordinærpris: vaksen kr. 125,- Born kr. 75,- Førjulspris: vaksen kr. 100,- Born kr. 50,- 

Finnast det andre livsformer på fjerne exoplanetar? Finnast det intelligent liv? Vil vi i so fall nokon gong oppnå kontakt? 

Science-Fiktion-forfattar Anne Mette Sannes og astrofysikar Knut Jørgen Røed Ødegaard tek publikum med på ei reise gjennom tid og rom, besøkjer merkelege planetar rundt fjerne stjerner, vakre gasståker, kolliderande galaksar og svoltne superslurparar!

Vi får oppleve universet gjennom fantastiske bilete, filmar, animasjonar og lydeffekter frå forsking gjort dei siste åra, og astroparet gjev publikum eit innblikk i ei kosmisk framtid med romheisar, store romstasjonar, basar på andre planetar, terraforming av Mars og reiser til fjerne exoplanetar. Kom og finn ut meir om den spektakulære utforskninga av rommet, og ikkje minst korleis framtida sine stjernereiser vil finne stad! Det blir også innslag frå dei utrulege meteorittfalla som har hendt i Noreg dei siste åra, samt i utlandet. 

Etter showet blir det signering av bøker og filmar om verdsrommet, og publikum får sjansen til å halde ekte meteorittar! 

FØRJULSPRISAR FRAM TIL 24. DESEMBER! 

Fram til 24. desember har vi førjulstilbod på utvalde arrangement! Kvifor ikkje gje vekk ei oppleving i julegåve? Stikk innom Oseana og kjøp billettar, eller kjøp dei på www.billettservice.no. 

Ordinærpris: vaksen kr. 330,- 

Førjulspris: vaksen kr. 265,-

Born kr. 100,- 

DETTE SEIER PRESSA: 

I denne intimkonserten får du det beste frå Lill- Babs si karriere som ein av Sverige sine aller største artistar. Vi får høyre korleis ho lærte The Beatles å danse, korleis det var å jobbe med Sammy Davis Jr. og mange andre historier. Dette blir eit show fylt med mange musikalske tilbakeblikk og minner frå både fram- og baksida av scena. 

Barbro Margreta Svensson er fødd i 1938, og har sidan debuten i 1954 vore ein av Sveriges mest kjende artistar, både i heimlandet og i utlandet. Ho har stått på både teater-, revy- og showscener, spelt inn utallige plater og delteke i Melodi Grand Prix. Ho har også vore flittig i TV-ruta, både som gjest og programleiar. I 2004 feira ho 50-årsjubileum som artist med showet 50 år i lyxforpakning i Gøteborg. No er den spreke 76-åringen ute på turné igjen!

Pressa seier: 

"Lill-Babs publikkontakt är makalös. Konsertsalen förvandlas som till ett litet vardagsrum. Folk jublar, applåderar, skrattar, rörs till tårar." Aftonbladet 

"Man trodde sig ha koll på det mesta Lill-Babs gjort, men kvällens resa genom årtionden och olika genrer var oväntat imponerande, vilken variation och bredd!"Nerikes Allehanda 

"Förmodligen kan man driva en hyggligt stor småstad på den energi hon alstrar. Hon kör så bara en våt fläck återstår när publiken går hem. Det är vad jag kallar 100 procent show."Kvällsposten

"Det går inte att misslyckas(...). Underhållande, innerligt och med proffsig timing vid levererans av poänger."HD "En kväll fylld av kärlek, värme, närhet och fullt ös..." Gotlands Allehanda

FØRJULSPRISAR FRAM TIL 24. DESEMBER! 
Fram til 24. desember har vi førjulstilbod på utvalde arrangement! Kvifor ikkje gje vekk ei oppleving i julegåve? Stikk innom Oseana og kjøp billettar, eller kjøp dei på www.billettservice.no. 
Ordinærpris: kr. 425,- Førjulspris kr. 375,-

MIDDAG OG KONSERT?
Kvifor ikkje kombinere konserten med ein middag, og gjere det til ein heilaftan? Restauranten tilbyr herlege rettar til gode prisar! Ring 53 69 51 40 for bordbestilling! 

Foto: Bent Rene Synnevåg

Det som starta som ein morosam ide blant ein gjeng musikarar frå Valdres, har vokse til å bli eit veldig populært band med sterkt særpreg, som når langt utover den relativt smale folkrock-båsen alle anmeldarar så gjerne vil putte dei i. Staut gav ut sitt fyrste album i 2010, men slapp for alvor inn i varmen hos norske musikkelskarar i 2012, då dei gav ut andrealbumet "Eigarlaus" som inneheldt hitsingelen "Slepp me inn". Albuma har hausta både 5'arar og 6'arar frå ei samstemt musikkpresse, har seld til gull, og tredjealbumet "Stugureint" gjekk rett inn på fyrsteplass på VG- lista og iTunes si albumliste. I 2013 selde dei til platina for salet av singlane "Sjå Sole" og "Slepp me inn". 

I oktober slapp dei sitt fjerde album, "St. Peppersby", og no er dei ute på noregsturné. 

 "Staut er i toppform og vi gledar oss stort over den stadig veksande fanskara som møter oss på konsertane. Samtidig er vi stolte over å kunne presentere vårt fjerde album, som vi trur fansen kjem til å like veldig godt", seier vokalist Gaute Lein Ausrød.

Staut har eit veldig tett turnéprogram, så at de får tid til å lage nye låtar i tillegg er svært imponerende, ikkje minst med tanke på at ingen i bandet er musikarar på heiltid, alle har fulltidsjobbar på sida! Likevel har dei altså rukke å prudusere eit heilt nytt album, og vel så det: 

"Vi traff ein gjeng etter ein konsert som hadde sett oss spele 19 gongar berre i fjor, så vi har ein del trufaste fans, Men vi håpar og trur at det nye materialet også skal nå ut til folk som ikkje har noko forhold til oss frå før, det er jo alltid målet", avsluttar Gaute. 

Vi gler oss til å få Staut til Os! 

STAUT er: Gaute Lein Ausrød (vokal, gitar), Ørnulf Juvkam Dyve (tangenter, kor), Asle Tronrud (feler,kor), Frode Flatland (trommer, kor) , Dag Arve Sandnes (gitarar, slide), Torgeir Bolstad (kontrabass, kor).

FØRJULSPRISAR FRAM TIL 24. DESEMBER! 
Fram til 24. desember har vi førjulstilbod på utvalde arrangement! Kvifor ikkje gje vekk ei oppleving i julegåve? Stikk innom Oseana og kjøp billettar, eller kjøp dei på www.billettservice.no. 
Ordinærpris kr. 325,- Førjulspris kr. 275,-

MIDDAG OG KONSERT?

Kvifor ikkje kombinere konserten med ein middag, og gjere det til ein heilaftan? Restauranten tilbyr herlege rettar til gode prisar! Ring 53 69 51 40 for bordbestilling! 

Foto: Jørn Veberg

På Oseanascena møter du henne i det som er kjernen av Anne Grete som artist: Songane, gitarane og den sterke stemma. Lys og scenografi slepp oss inn bak kraftfulle metaforar og sterke melodiar, og let oss møte henne der orda blir til, i undringa over tilfeldigheitene som bles oss vidare på livets veg. Jo meir ein leitar, jo meir kjem til syne når songane frå eit kvart århundre finn nye musikalske uttrykk i ein leiken augneblink. Songar som er destillert liv. At ho kjem frå rocken er det ingen som helst tvil om. Kjærleiken til gitarane har vokse dei siste åra, noko ein tydeleg kan høyre. Dette er ei konsertoppleving for gode scenerom, der vi kan skru visarane av klokka og feste blikket.

Velkomen til ein kveld med Anne Grete Preus! 

FØRJULSPRISAR FRAM TIL 24. DESEMBER! 

Fram til 24. desember har vi førjulstilbod på utvalde arrangement! Kvifor ikkje gje vekk ei oppleving i julegåve? Stikk innom Oseana og kjøp billettar, eller kjøp dei på www.billettservice.no. 

Ordinærpris kr. 395,- Førjulspris: kr 345,- 

MIDDAG OG KONSERT?

Kvifor ikkje kombinere konserten med ein middag, og gjere det til ein heilaftan? Restauranten tilbyr herlege rettar til gode prisar! Ring 53 69 51 40 for bordbestilling! 

Eirik del Barco Soleglad er kanskje den mest bergenske nordlendingen du finn på ei scene i heile Noreg. Eksilnordlendingen har budd så lenge i Bergen at han har starta å heie på Brann! Kjeftamentet går kjappare enn hans eigen skugge, og poenga kjem som perler på ei snor. 

For mange er kanskje Eirik meir kjent frå teaterscena enn frå stand up- scena. Han har vore tilsett både ved Hordaland Teater og ved Den Nationale Scene, der han har medverka i publikumssuksessar som Robin Hoods hjerte, Ulverock og Jungelboken. Han har samstundes vore ein sentral karakter i det bergenske humorliv, mellom anna med sin faste plass i Bergen Inprolaug. Eirik vart fullt fortjent nominert til Komiprisen for det forrige showet sitt "En del Barco en del Soleglad". No gjer han suksess med sitt nye show, der han har hatt halvparten av Ylvis, Bård Ylvisåker i registolen. Showet heiter kort og godt Barco, og hadde premiere på Centralteatret i Oslo hausten 2014. 

I dette showet går tankar om tilhøyrigheit som understraumar i teksten. Barco leitar og leiker seg gjennom særtrekk og merkverdigheiter i parallelle røyndomar, nokon gongar om røyndomar som står langt i frå kvarandre, men oftare som sameksisterande røyndomar, ja nokon gongar endog under same tak. Emne som i opplista for kan lyde som ei rekkje digresjonar, bind Eirik saman som ein naturleg styrt tankeflyt der også omvegane viser seg å ha eit mål. 

Dagbladet kalla showet for ein sosialantropologisk sjarmoffensiv, og berømma Barco med ein soleklar 5'ar på terningen for scenetekket sitt. Anten han snakka om teoriar om Jesu tapte år, om norsk topografi, vêrforholda si innverknad på norske dialekter, om nordnorske eksportartiklar (altså han sjølv) eller om patriotiske sportsprestasjonar, brukar Eirik skodespelarverktya sine raust og generøst. Eit ekspressivt og presist kroppsspråk og ei like presis dialektbevisstheit gjer han til ein uvanleg uttrykksfull og mangesidig komikar. 

Dette er verkeleg eit show du bør få med deg - velkomen til Barco! 

FØRJULSPRISAR FRAM TIL 24. DESEMBER! 

Fram til 24. desember har vi førjulstilbod på utvalde arrangement! Kvifor ikkje gje vekk ei oppleving i julegåve? Stikk innom Oseana og kjøp billettar, eller kjøp dei på www.billettservice.no. 

Ordinærpris kr. 350,-  Førjulspris 295,-

MIDDAG OG KONSERT?

Kvifor ikkje kombinere konserten med ein middag, og gjere det til ein heilaftan? Restauranten tilbyr herlege rettar til gode prisar! Ring 53 69 51 40 for bordbestilling! 

I dag slepp Oseana sjå av vårens arrangement i ein gåvepakke til osingane. 

  - Det har jo etter kvart blitt tradisjon at vi slepp nokre kattar ut av sekken før neste sesong startar, og i år er ikkje noko unnatak, smiler arrangementssjef Berit Steen, som stolt kan presentere sju av det ho meiner blir årets høgdepunkt på Oseanavåren. 

  - Vi er opptekne av å lage ei god bredde i programmet vårt når vi programmerer, her skal vere noko for ein kvar smak, seier Steen. 

  - I tillegg har alle desse sju arrangementa førjulspris, det vil seie at billettane er rabatterte frå og med no og fram til julaftan. Så her er det gode moglegheiter for å gjere mange gode julegåvekjøp!

Noko for alle generasjonar

Dei sju arrangementa viser noko av breidda Oseana tilstrebar å ha i programmet sitt. Her er det noko for ein kvar smak og generasjon. 

  - 24. januar har vi eit barneteater som heiter Alf, som er bygd på Alf Prøysen sitt univers, medan vi 27. januar får Knut Jørgen Røed Ødegaard og kona Anne Mette Sannes hit med sitt populære astroshow Ad Astra 2222. Dette er eit arrangement der minst tre generasjonar i familien kan gå saman, meiner Steen. 

Lokale og internasjonale musikkdronningar

  - På konsertfronten har vi mange godbitar denne våren, og fire av dei er presenterte her. Vi er sjølvsagt svært stolte over at sjølvaste Aurora Aksnes held ein av sine få konsertar i Noreg i 2015 nettopp her på Oseana! Det blir stor stas å få Aurora på Oseanascena 14. februar, seier Steen. 

Og frå ei gryande musikkdronning til ei litt meir dreven, 7. februar står sjølvaste Lill- Babs klar i Oseanasalen. 

  - Lill- Babs er jo nærast for ein institusjon i seg sjølv å reikne! Vi meiner ho har ei minst like stor fan-skare i Noreg som ho har i Sverige, og med hennar driv og scenetekke er dette verkeleg ein konsert å få med seg, seier Steen, som meiner dette må vere årets julegåvetips til foreldre og besteforeldre som "har alt"!

  - I tillegg kjem Vadresgutane i folkrock-gruppa Staut 19. februar, og rockedronninga Anne Grete Preus 19. mars. 

Humor med Barco

Humorshow er noko osingane veit å sette pris på, og denne våren er det ein nordlendsk bergensar som skal lokke fram latterkrampene hos osingane. 

  - Eirik del Barco Soleglad er både skodespelar og komikar, og kjend frå både Den Nationale Scene og frå humorgruppa Bergen Improlaug. 21. mars kjem han med sitt nye humorshow Barco, der han har hatt Bård Ylvisåker i registolen. Showet har fått svært gode kritikkar i Oslopressa, så her trur vi osingane har noko å sjå fram til! 

Resten av vårprorgrammet held Steen tett til brystet, heilt fram til 13. desember. Då lovar ho endå fleire godbitar til osingane. 

  - Dette er berre ein prøvesmak. Det er framleis mykje godt i vente, avsluttar ho. 

Trykk på titlane i teksten for å kome direkte til omtale, eller sjå oversikt over alle våre arrangement her. Alle arrangementsomtaler inneheld direktelinkar til billettkjøp på Billettservice sine heimesider. Du kan også stikke innom Oseana, Narvesen eller 7Eleven og kjøpe billettar direkte, eller ringe Oseana for bestilling på 917 50 231. 

Bjarne Svanøe er blant det knippet med nålevende kunstnere som er innkjøpt til Griegsamlingen, flere verk av Svanøe er også representert i Grieggården i Bergen sentrum.

Bjarne Svanøe (f. 1954) er opprinnelig fra Florø, og har siden debuten i 1993 hatt en mengde separat- og kollektivutstillinger over hele landet. Svanøe maler i en energisk og koloristisk stil, med en motivkrests som spenner ifra storslåtte naturlandskaper til mer intime snapshots fra gateliv og klubbscener. Hans musikkmotiver er viden kjent, og det er også denne delen av Svanøes kunsterskap som er representert i Griegsamlingen.

Professor emeritus Gunnar Danbolt treng vel ingen nærare presentasjon. Kunsthistorikaren har ein særeigen posisjon innanfor kunstfeltet i Noreg, og Oseana har vore så heldige å kunne tilby omvisingar med Gunnar før. Det kan vi også denne hausten!

To søndagar i år, 26. oktober og 23. november kan du få omvising i Griegsamlingen med Gunnar Danbolt. Omvisingane vil vare i omlag 45 min, og etter dette kjem du til å sjå bileta i Griegsamlingen med nye auge, og garantert med meir kunnskap enn du hadde før!

Temaet denne gongen er den moderne kunsten i Griegsamlingen. 

Avgrensa antal plassar!

Vi held fram med kunstomvisingane i Griegsamlingen! Denne våren vil både professor emeritus Gunnar Danbolt og Oseana sin nye kurator Marianne Gathe halde omvisingar knytte til kunsten i Griegsamlingen og Hvelvet. Følg oss gjerne på Facebook-sidene til Griegsamlingen, eller på Instagram!  

Temaet for omvisinga denne dagen er Peder Balke (1804 - 1887) - om målaren og politikaren Balke.

Middag etter omvisinga?

Omvisningane er søndag kl. 13.00, så kvifor ikkje kombinere dette med ein middag i restauranten?  Dei serverer sin flotte søndagsbuffet, med varme og kalde rettar og eit lekkert dessertbord. Ring 53 69 51 40 for bordreservasjon!

Etter 8 år i sjefsstolen i Riksteatret, overlet Ellen Horn plassen til arvtakar Tom Remlov, og legg ut på turné med stykket Natten er dagens mor.

Vi møter ein liten familie på det sjuskete hotellet dei driv i Skåne. Mor, far og to søner. Det er vareoppteljing, og den yngste sonen, David, fyller 16 år. Gjennom eit skakande døgn blir det rulla opp eit nettverk av løgner. Det utspelar seg scener som berre kan oppstå i den mest intime av alle sfærer - heimen.

Svenske Lars Norén skriv teaterstykke med storarta roller. Han er skodespelarane sin dramatikar, glasklår i innsikta og brutal i utnyttinga av teatret sine verkemiddel. Natten er dagens mor er ein moderne klassiskar om skam, håp og kjærleik.

Når Nathionalteatret og Riksteatret går saman om å sette opp eit av dei viktigaste verka til Norén, blir mor splet av Ellen Horn,  medan regien er ved Ellen si dotter, Kjersti Horn. Dei andre rollene blir spelt av Terje Strømdahl, Emil Johnsen og Glenn André Kaada. Omsett av Arne Lygre.

Varer i 2 timar og 20 minutt inkl. pause.

OPPLEV MEIR!
" Frå teatersjef til skodespelar". Introduksjon ved Ellen Horn før framsyninga. Tidspunkt og lokale blir annonsert seinare.

TIDLIGKJØPSRABATT!
Riksteatret har tidlegkjøpsrabatt fram til 1. januar 2015. Den perfekte julegåva til borna i familien!

MIDDAG FØR FRAMSYNINGA?
Kvifor ikkje kombinere framsyninga med ein middag? Ring 53 69 51 40 for bordbestilling!

Oseana har hatt god parkeringskapasitet fram til denne hausten. No har det starta opp eit nytt byggjetrinn av blokkene i Os sjøfront der det tidlegare har vore parkeringsplassar. Dette gjer at parkeringskapasiteten er betydeleg minska. 

  - Anleggsområdet tek ein stor jafs av areal vi tidlegare har nytta til parkering. Tidlegare har vi klart å huse alle bilar, sjølv ved utselde arrangement, men det kjem vi ikkje til å klare no lenger. Når parkeringsplassen er full lyt vi sende folk til vognhallen og til Os sentrum, seier teknisk sjef ved Oseana, Kjetil Moberg. 

Oseana sine frivillige står ute som parkeringsvertar den siste timen før arrangementa startar, og vil hjelpe publikum med å dirigere dei inn eller vekk frå parkeringsplassen. 

  - Vi skal prøve å veilede folk på ein best mogleg måte, men når der er fullt, så er der fullt. Då må publikum snu tilbake til sentrum, seier arrangements- og marknadskoordinator Janne Mari Hjelle, som oppmodar folk om å vere ute i god tid. 

  - Det er ikkje langt å gå frå Vognhallen eller rådhuset og la bilen stå der, men det går fort ein 5-6 minutt ekstra. Då er det fint å ikkje kome ti minutt før arrangementet skal starte. Vi har fleire utselde hus før jul, og når nær 500 publikummarar alle skal parkere, henge frå seg og kanskje ta ein tur innom baren, så går det fort litt ekstra tid for alle. Legg heller inn ein ekstra buffer, og ver ute i god tid før arrangementet, oppmodar Hjelle med eit smil. 

Kva skjer når borna får bestemme?

To dansarar dansar til vakker musikk, men blir avbrotne av barnestemmer som seier: "Kva er det dei gjer? Vi skjønnar ingenting!" Borna i videoen stansar framsyninga og seier: "Sidan vi er barn og dette skal vere ei barneframsyning, må vi få vere med å bestemme kva ho skal handle om!" Herifrå må dansarane gjere som borna seier. Trur du dei klarer å lage den optimale framsyninga?

Juryen er ei underhaldande framsyning både for born og vaksne. Borna er kanskje dei som ler mest og høgast!

Juryen er laga av Hege Haagenrud. Ho arbeider i landskapet mellom dans og teater, og produksjonane hennar har vore blant dei mest spelte framsyningane for born og unge dei siste åra.  På scena møter vi dansarane Maria Freyvoll og Caisa Strømmen Røstad.

Varer i 35 minutt, og passar for born frå 6 år og oppover.

Omtaler:

Juryen tek borna sitt parti, men får dei også til å tenkje over kva dei ynskjer seg av ei framsyning og kva som gjer ei framsyning god. NRK 

Introduserer dans for born på ein skikkeleg kreativ måte. Scenekunst.no, blogginnlegg

TIDLIGKJØPSRABATT!
Riksteatret har tidlegkjøpsrabatt fram til 1. januar 2015. Den perfekte julegåva til borna i familien!

MIDDAG FØR FRAMSYNINGA?
Restauranten har eigen barnemeny frå kl. 16.00 denne dagen! Ring 53 69 51 40 for bordbestilling!