Endeleg er den nye storfilmen frå Disney her! Frost har premiere på norske kinoar 25. desember, og kjem til Oseana allereie 5. januar!
Det vil ikkje bli førehandsselt billettar til denne filmen, alt billettsal skjer i døra. Senteret opnar kl. 15.00 denne dagen, og vil halde ope kun for kino. Det vil ikkje bli anledning til å kjøpe billettservice- billettar eller besøkje museet.
Frost er laga av folka bak mellom anna Rive- Rolf og Tarzan, og er det mest vågale og morsomme som kjem på kino denne vinteren!
Når ein trolldom forheksar eit heilt kongedøme til evig vinter, bestemmer den uredde optimisten Anna seg for å legge ut på ei episk reise for å finne syster si Elsa, Snødronninga, og sette ein stoppar for den iskalde forbanninga hennar. Med seg på reisa har no den erfarne fjellfararne Kristoff og den gode venen hans, reinsdyret Sven. På reisa gjennom dal og over fjell, i eit landskap som kan minne om Noreg, møter dei mystiske troll og ein fantastisk morosam snømann som heiter Olaf! Det er magiske tilstandar på kvar ein fjelltopp, og dei må saman kjempe mot dei iskalde elementa for å redde kongeriket frå evig forbanning.
Filmen har fått 7 års aldersgrense , grunna skremande karakterar og fleire mørke og dramatiske scener.
