Christine Hope har fått strålande kritikkar og spelt for fulle hus i Bergen med sitt nye show "Roer seg kraftig ned!" Showet som vart sett opp 8. februar vart utseld, difor kjem Christine attende endå ein gong! Fredag 7. mars har du sjansen til å få med deg Christine på nytt om du ikkje rakk å få deg billettar til det forrige showet.
Det er fyrste gong Christine gjer sitt eige "One Woman Show". Også i dette showet vil vi møte alle dei kjende karakterane hennar, samtidig vil vi bli introdusert for nue "ansikt". Med seg på laget har ho fått nokon av landets fremste tekstforfattarar, som Agnes Ravatn, Ingrid Bjørnov, Pernille Sørensen og Øyvind Angeltveit. Regi og koreografi er ved Arvid Ones og Hilde Sol Erdal. Ellers står Hope stødig, men aleine på scena.
- Ein del av meg held på å frike ut, medan ein annan del av meg er så utruleg glad. Eg har alltid hatt nokon andre å dele risen og rosen med, men no er det berre eg som kjem til å stå der på scena, sa Christine til Bergens Tidende i samband med lanseringa av showet.
Men Chrstine har ingen grunn til å frykte noko sjølv om ho står aleine! Bergens Tidene sin anmeldarkunne melde om at han hadde fått Monty Phyton- nakke etter premieren: "Det er når jeg har ledd så mye og sammenhengende at muskulaturen øverst i nakken går i en slags lås." Han kunne elles melde om ei solid framsyning, og trilla terningen til 5.
Det er knapt råd å oppdrive billettar til Christine sine show i Bergen. Tør du å la sjansen til å få oppleve henne på Os gå i frå deg?
Utdrag frå anmeldelsen i Bergens Tidende:
"Den røde tråden er Christine Hopes liv og oppvekst, med vanlige utfordringer knyttet til pubertet, kroppsbilde og sosiale krav. Det er ikke oppsiktsvekkende nytt, men interessant, fordi Hope byr på noen viktige tanker om komplekser og annen fortvilelse. Og fordi hun blottet for selvhøytidelighet viser oss bilder av seg selv gjennom oppveksten med de mest usannsynlige frisyrer. Hun lar folk få gi seg over av spontan latter i møte med bildene. Hope er en solid underholder med et bredt register: Hun er typeskaper, parodiør, og har det komiske talentet både i kjeften og i fysikken. (...) Det var på tide hun fikk sitt første soloshow. (...) Hvis det er slik Christine Hope roer seg ned, synes jeg hun skal gjøre det oftere."
Les heile anmeldelsen i BT her!
Les BA sin anmeldelse av showet her.
Christine Hope si offisielle facebook-side.
