Siste kinosøndag før påske er søndag 17. mars. Då viser Bygdekinoen den nye norske storfilmen Victoria for dei vaksne, medan barnefilmen denne søndagen Rive- Rolf.
- Vi får ei ynskjereprise på Rive- Rolf, av den enkle grunn at Bygdekinoen har vist alle barnefilmar dei har tilgjengelege på noverandre tidspunkt, forklarar kulturhusvert Janne Mari Hjelle.
- Rive- Rolf hadde god oppslutning og fall i smak hos publikum, difor prøvar vi å vise denne ein gong til.
Neste kinosøndag føl imidlertid ikkje heilt den vanlege ruta. Fyrste kinosøndag etter påske er nemleg ikkje ein søndag, men ein laurdag!
- Fyrste kinovisning etter påske blir laurdag 6. april. Dette er både ein ny dag, og i tillegg ikkje oddetalsveke, slik som kinoane pleier å gå i, forklarar Hjelle. Årsaka til den nye kinodagen er ein kollisjon med det øvrige programmet på Oseana. Hjelle understrekar at laurdagen berre gjeld for denne aktuelle veka, kinoen er tilbake i vanleg gjenge søndag 28. april.
- Tidene er imidlertid dei same uansett om det er laurdag eller søndag, altså kl. 16.00 for barnefilmen og kl. 19.00 for filmen for dei litt eldre.