Bergen Internasjonale Filmfestival inviterer til filmvisningar på Oseana!
Fredag 23. september kjem BIFF til Os! På dagtid viser vi dagsaktuelle dokumentarar for skuleelevar, medan vi på ettermiddag- og kveldstid viser utvalde filmar frå årets program for ordinært publikum. Billettar kjøper du i resepsjonen på Oseana.
Program for dagen er:
14:30 - Til månen med bestefar
18:00 - Weiner
20:00 - Den allvarsama leken
Weiner
Is that a WEINER in your pocket?
Alt såg ut til å gå på skinner for Anthony Weiner: Han vart sett på som ei stigande stjerne i amerikansk politikk, utmerka seg som demokratisk kongressmedlem, og hans tilsvarande briljante politikarkone Huma Abedin venta deira fyrste barn. Då ei rekkje pinlege bevis på at han hadde brukt fritida si på sokalla «sexting» såg dagens lys, var skandala imidlertid eit faktum, og Weiner si politiske karriere rakna fullstendig.
To år etter han trakk seg tilbake frå offentligheita bestemmer den ukuelege optimisten seg like fullt for å stille til val som ordførar i New York, og i denne dokumentaren får vi følgje den strabasiøse ferda hans mot ein ny sjanse i politikken.
Da regissørane Elyse Steinberg og Josh Kriegman bestemte seg for å lage ein film om den omstridte politikaren kan dei neppe ha ant kva for ein gylden moglegheit dei hadde ramla over. Weiner si skandaløse framferd var på ingen måte noko avslutta kapittel, og i denne underhaldande og forbløffande dokumentaren følger vi ein valgkamp som går både «Veep» og Donald Trump ein høy gang.
Filmen varer i 1t 33min,
USA / 2016
SPRÅK: engelsk
UNDERTEKSTER: norsk
MEDVIRKENDE: Anthony Weiner, Huma Abedin, Barbara Morgan, Amit Bagga, Sydney Leathers
REGI: Elyse Steinberg, Josh Kriegman
MANUS: Eli Despres, Elyse Steinberg, Josh Kriegman
FOTO: Josh Kriegman
PRODUSENT: Elyse Steinberg, Josh Kriegman, Elizabeth Delaune Warren, Sean McGing
