I 2013 blir fylkesfinalen i Ungdommens kulturmønstring for fyrste gong arrangert i Oseana! Mange unge, talentfulle og håpefulle utøvarar frå heile Hordaland fyller huset i to dagar til ende, med eit breispektra program innan scene, utstilling eller som unge arrangørar.
Det har tidlegare i vår blitt arrangert kommunemønstringar i alle kommunene i Hordaland, og kvar kommune sender eit knippe utøvarar vidare til fylkesmønstringa på Oseana. Fylkesmønstringa går over to dagar, 13. og 14. april, og herifrå sender kvart fylke om lag 30 deltakarar vidare til landsmønstringa i Trondheim.
På scena i Oseana får du sjå heile 261 deltagarar fordelt på 107 sceneinnslag, 30 deltakarar på kunstutstillinga som til saman stiller ut 34 gjenstandar, og to filmar som er laga av tilsaman fem personar. I tillegg finn du deltakarar bak scena. Årets mønstring har med seg to personar til Nettredaksjonen, fire konferansierar og 11 Unge Arrangørar, som er med på å dra det heile i havn. Det er med andre ord duka for ei brei og variert mønstring for Hordaland i år!
For det heile og fulle programmet, samt billettinformasjon, sjå www.ukm.no.
